Stóra systir og litli bróðir.

Fórum í smá "utflykt", til nágrannakommúnunnar Åkersberga í dag, en þar var eitthvað húllumhæ, eða "Kanalens dag", haldið við bátakanalinn sem liggur gegnum bæinn. Skarpi vildi ekkert fara í hoppukastalana...

Tveir sófusar... 

Tómatasúpa!

Við Skarpi fórum í hádegismat til Stínu og Dagmar Völu í gær. Stína bauð uppá gómsæta tómatasúpu - mmm... rosa góð!! Sóley og Sara Kristín komu líka. Allir enduðu svo bara flatir á eldhúsgólfinu (eins og í versta partýi) nema við Skarpi sem reyndum að halda okkur á stólunum.

Mmmmmjúka mamma..... 

Guli hlunkurinn....

Við erum búin að fara í læknisskoðun (því ég er ennþá soldið gulur), en lækninum fannst ekki ástæða til að fara útí einhverjar rannsóknir á þessari langdregnu gulu. Ég þroskast og þyngist alveg eðlilega - þyngist mikið meiraðsegja núna (verð orðinn algjör bolti ef ég held áfram að þyngjast svona !)

Svo ég er bara í góðum fíling :-)

Mamma fór á kaffihús í gærkvöldi og skildi mig eftir heima hjá pabba - Ég varð alveg brjálaður !!!

Nei nei, við erum við að plata.... ég var ljúfur eins og lamb á meðan - eins og alltaf (oftast!). Svo kom mamma heim og gaf mér að drekka mjólk með down-town bragði og sagði mér frá ferða (drauma) plönunum sem hún og Helene ræddu: að fara í heimsókn til Helene í Kanada á næsta ári.... :-)

Vera

Litla músin hennar Erlu frænku sem fæddist þann 24.júlí sl. var skírð í dag ! Og heitir Vera. Vera Víglunds. Okkur langaði rosalega mikið til að vera þar.... en ónei... :-(

Arja og Aino Linnea

Arja og Aino Linnea komu í heimsókn til okkar í dag, með blóm og fullt af fötum handa Skarphéðni. Hér eru þær í röndóttu Marimekko bolunum sínum (Finnish design!), Skarpi er nú bara í H&M röndóttum brókum...

Arja benti mér á sniðuga ferðaskrifstofu sem kunningjakona hennar rekur: Gränslolösa resor, eða Ferðir án landamæra. Þar er m.a. boðið uppá kvennaferðir (bara fyrir konur!), þar sem gefinn er kostur á að kynnast menningu viðkomandi landa í gegnum konur á svæðinu, stundum með því að búa heima hjá þeim eða með því að ferðast með þeim - öðruvísi.

Farinn að brosa !

Já ég er farin að brosa !!! (Alveg síðan í síðustu viku þegar ég var bara 4.5 vikna) Af og til tekst mömmu og pabba (og ömmu þegar hún var hér í heimsókn) að lokka fram bros hjá mér - en það er mjög erfitt að ná því á mynd.... Á þessari mynd er ég sko nýbúinn að brosa - er allavega "kátur" á svipinn.... :-) Ég er ALGJÖR dúlla þegar ég brosi !!!

Amma Vala á afmæli í dag (hipp hipp húrra....!). Hér er mynd af henni og afa Skarphéðni í fermingu Hrefnu í fyrra. Við sendum henni orkideu í tilefni dagsins.

Kräftskiva !

Við fórum í íslendinga-kräftskivu til Stínu og Hjölla í dag - sem var mjög gaman. Alltaf stemmning að sitja úti og kroppa í kräfturnar, og gaman að hitta vini okkar, sem gerist nú æ sjaldnar (kennum Skarpa um það). Þetta höfum við gert á hverju ári síðan við fluttum til Sverige - fyrir utan árið sem Stína og Hjölli fluttu til Íslands, þá hafði enginn rænu á að hafa kräftskivu..... Þetta var semsagt okkar 5. kräftskiva saman, en það eru 6 ár síðan við fluttum til Sverige (vá! time flies). Ýmislegt hefur breyst á þessum tíma, allir (o.k. margir) t.d. komnir með smábörn á arminn.... :-)

Kräftskiva er eins konar krabbaveisla, þar sem vatnakrabbar og ýmis konar meðlæti er snætt utanhúss. Þetta gera Svíarnir alltaf í ágúst, því þá eru þessi vatnakrabbadýr veidd. Núorðið er skortur á sænskum kräftum, þannig að meirihluti þeirra kräfta sem eru seldar eru innfluttar frá Asíu. Ástæðan fyrir því að þetta er snætt utanhúss er sú að þetta er ansi subbuleg iðja, safinn úr kräftunum spýtist útum allt þegar maður kroppar kjötið úr þeim...

Hér eru fleiri myndir frá kräftskivunni.

Kveðjustund

Amma Ellen og afi Víking eru að fara aftur til Íslands eftir vikudvöl hjá okkur hér í Stokkhólmi - bless bless - sjáumst aftur seinna !

Útí skóg...

Mamma og ég fórum út að labba í gær - og við sáum: Fullt af stórum skrautlegum fiðrildum, fullt af girnilegum bláberjum (mmm!) - og snák !! Ca 25 cm lítið grey sem hlykkjaðist yfir göngustíginn beint fyrir framan okkur og flýtti sér inní skóginn.

Næst tökum við með okkur ílát og tínum bláber - útá súrmjólkina, í bakelsi, sultu eða whatever....

Amma Ellen og ég

Amma, afi og ég í brunch...

Ég æfi bodybuilder pósur alla daga...

Já ég ætla að verða stór og sterkur - æfi svona bodybuilder posur reglulega :-)

Í dag fór pabbi með ömmu og afa sem eru hér í heimsókn, í bíltúr útí skerjagarð, en mamma og ég vorum heima að slappa af.

Amma og afi í heimsókn

(Föður)amma og afi eru í vikuheimsókn hér hjá okkur í Stokkhólmi, og við fórum öll (nema unglingaveika Hrefna) í sightseeing túr til Uppsala. Skarpi litli fylgdist vel með öllu sem fyrir augu bar (eða þannig....)

Sól og hiti

30 stiga hiti, sól og blíða í dag, og við mamma, Hrefna og Natalie vinkona hennar fórum að "bada" í dag. Hrefna og Natalie fengu sér sundsprett í vatninu (sem er um 20 gráðu heitt), en ég og mamma sátum í skugganum og sáum um að borða nestið (þ.e. mamma) :-) .

En ég svaf þetta nú eiginlega allt af mér.... 

Bláber og jarðarber...

Aumingja ég, mamma er búin að prjóna bláberjahúfu á mig - og ég er alveg eins og ég veit ekki hvað með hana..... Oh !!

En hún er allavega skárri en þessi stelpulega jarðarberjahúfa sem mamma prjónaði á litlu frænku mína á Íslandi.... !

4ra vikna í dag !

Já tíminn flýgur og ég er orðinn 4ra vikna. Stór strákur !!!

Allt gengur mjög vel, og mömmu, pabba og Hrefnu finnst ég æðislegastur :-) ! Enda er ég rosa góður - algjör engill - mesta krúttið - besta dúllan - og sætari en sætasta rúsínubolla....
Eins og þið náttúrulega sjáið.

Og við vorum útí garði í góða veðrinu :-)

Helen hundraðvolta frá Kanada

Helen vinkona kom í heimsókn til að kíkja á hann Skarphéðinn. Helen er sænsk en býr í Kanada og kemur hingað til Sverige á hverju sumri. Við kynntumst fyrir löngu síðan þegar við vorum báðar að vinna á Líffræðistofnun háskólans á Íslandi - hún hefur nefnilega líka búið á Íslandi, talar íslensku reiprennandi, er alltaf eldhress og alltaf til í að gera eitthvað !! Ég er alltaf að suða í henni að flytja til baka til Svíþjóðar svo við getum verið að bralla eitthvað saman. Það kemur að því að það gerist (bara vonandi ekki eftir að ég flyt til Íslands - ef- og hvenær sem það svo sem verður).

Við fengum okkur kaffi og "amerísk" bláberjamuffins - sem voru reyndar með jarðarberjum því ég átti ekki bláber :-). (Það eina sem gerir þessi muffins amerísk held ég er stærðin: XL muffinsform og Mikið af lyftidufti svo þau búnga hátt uppúr forminu....).