Allt þetta jólastúss er svo jobbigt og slitsamt...! Púff.

Jólabörnin sæt og fín.

Gleðileg jól frá okkur héðan í Stokkhólmi !

Fleiri myndir frá árinu 2004 má sjá hér.

Fler bilder från 2004 finns här.

Hafiði það nú rosalega gott um hátíðirnar öllsömul. Fariði í langa göngutúra, sofið út og borðið hæfilega mikið yfir ykkur.
GOD JUL !

Ketkrókur kom í dag. Alla leið ofan af Íslandi, og hafði vænt læri meðferðis. Hann mun nú standa við hlið bróður síns Kertasníkis (sem kom til okkar í fyrra), og hjálpa til við að skapa jólastemmningu á heimilinu. Þeir bræður eru nú ekki háir í loftinu, eða bara um 10 cm langir, en setja samt heilmikinn jólasvip á eldhúshilluna mína þar sem þeir standa sperrtir. Það er hún Hildur Sigurðardóttir handavinnukennari, mamma hennar Stínu vinkonu sem býr þessa kalla til. Er prjónandi jólasveinahúfurnar allt árið um kring, og situr svo upptekin á "jólasveinaverkstæðinu" sínu frá hausti til jóla við að anna jólasveinapöntunum svo fólk geti átt gleðileg jólasveinajól :-) 

Skarphéðinn er mjög hrifinn af henni Randí kisu - ber svona óttablandna virðingu fyrir henni má segja :-) 

Hún kisa er nú kanski ekki svo hættuleg þegar Hrefna stórasystir er með... 

! 

Ég sá mömmu kyssa jólasvein.... 

Um helgina kíktum við í kaffi til Sóleyjar og Guðjóns - og fengum að mála nokkrar piparkökur. Frá vinstri: Sóley með Söru Kristínu, Guðjón, Ómar Kári, Lísa au-pair, Íris María - og glittir aðeins í Skarphéðinn.

Spennó....

Amanda og Skarphéðinn

Við Skarphéðinn heimsóttum Ethel, (systur Helene vinkonu minnar) sem býr niðrí miðbæ. Amanda, stelpan hennar fæddist sama dag og Skarphéðinn, 8.júlí !

Skarphéðinn 5 mánaða !

Skarphéðinn er fimm mánaða í dag. Vá, tíminn líður hratt (á gervihnattaöld)! Ég trúi því varla að við séum búin að hafa þetta dýr hjá okkur í bráðum 1/2 ár. Þetta er búið að vera frábær tími - enda hann Skarphéðinn svo ljúfur og góður - og yndislegur!! Já, ég er einmitt orðin svona óþolandi mamma held ég, sem finnst barnið sitt vera fallegast og best af öllum (en ég held nú að það sé öllum augljóst að þetta eintak er fullkomið (djók!)).

Hann braggast bara vel, þyngist og þroskast eðlilega, og virðist vera þessi "rólega týpa". Hann er orðinn duglegur að grípa í hluti og dót (ekki lengur hægt að halda á honum við matarborðið án þess að eiga á hættu að gripið verði í diska og glös!), og allt fer beint uppí munn. Mjúk leikföng sem hægt er að naga eru í uppáhaldi, helst þau sem gott er fyrir litlar hendur að grípa í, og helst ef það heyrist eitthvað í þeim (brakandi pappír inní eða hringla). Speglar eru líka í uppáhaldi. Hann er farinn að kunna "Týndur - gjugg!" leikinn, og - er farinn að hlæja dátt !! Það eru frábærustu og krúttlegustu hljóð í heimi! Hrefna stórasystir er búin að fíflast svo mikið í honum að alltaf þegar hann sér henni bregða fyrir brosir hann útað eyrum og bíður eftir sprellinu - vill þá ekki sjá mömmu gömlu. Snýr sig frekar næstum úr hálsliðnum til að missa nú örugglega ekki af neinu sprelli frá Hrefnu...:-)

Hann sefur úti í vagni (svo lengi sem frostið fer ekki upp fyrir 10 stig) yfirleitt tvisvar á dag í 1-2 tíma í senn, fær sér aftur smá lúr (1/2tíma max) um kl. 17-18-19, og fer að sofa fyrir nóttina e-ð um kl. 21. Fær að drekka um miðnætti, aftur um kl. 6, og vaknar svo oftast um 8 - 9.

Honum finnst gaman að vera í vagninum (sofnar reyndar oftast fljótlega þar), og vill nú ekki lengur bara liggja eins og einhver smákrakki, heldur sitja og sjá út. Svo er rosa fjör að fara á mannamót, og sérstaklega gaman ef það er verið að syngja - og líka mjög skemmtilegt að fylgjast með öðrum krökkum.
Og er að öðru leyti bara algjör draumur í dós :-)

. 

Alltaf stutt í brosið (nema kanski í sundi!).

Æfingin í síðasta ungbarnasundi gekk útá að halda sér sjálfur á floti með stöng - það gekk bara vel! Fyrsta skipti sem dýrið brosti og virtist skemmta sér í sundinu (Skarphéðinn sko).

:-)

Skarphéðinn er nú farinn að borða eins og hestur, uppáhaldsmaturinn eru sænskar kjötbollur, falukorv, lútfiskur og elgssteik. Nei..... bara að bulla! En hann er búinn að fá að smakka kartöflur, blómkál, og banana - enda orðinn stór strákur, bráðum 5 mánaða. Hann er reyndar ekkert hrifinn af þessu matarstússi, veit ekkert hvað hann á að gera við þetta dót sem er sett upp í hann, grettir sig þvílíkt og meirihluturinn kemur útur honum aftur....  

Hérna var ég alveg búinn á því svo pabbi þurfti að koma og taka mig - FLJÓTT! 

Hrefna stóra systir mín og ég...

Jólin komin og farin!

Jólin komin og farin hérna hjá okkur í Svíþjóð (!) Nei nei - bara jólapakkarnir. Keyptir, pakkaðir og farnir - með sniglapósti til Íslands semsagt. Soldið skrítið að vera búin að þessu svona snemma - en smá léttir líka. Nú getum við Skarpi einbeitt okkur að smákökubakstrinum allan desember... eða þannig - NOT likely. Við gerum bara eins og ein í vinnunni hjá mér ráðlagði mér að gera: setja keyptar piparkökur á ofnplötu inní heitan ofn í smástund, og þá ilmar allt húsið af ný-bökuðum (nei ég meina keyptum) piparkökum..... :-)

Mammaträff - labbitúr og kaffi. Við í mömmuhópnum mínum hittumst á miðvikudögum og förum í labbitúr og svo kaffi (fika) heima hjá einhverri. Í dag vorum við 7 sem mættum, röltum í klukkutíma í frekar seinyfirförnum snjó, og fengum svo kaffi og meððí heima hjá Jenny hérna útá Svampskogsväg (Sveppaskógsvegi). Gríslingarnir eru allir á svipuðum aldri - í kringum 5 mánaða, og hafa mjög gaman af því að stúdera hvert annað og reyna að rífa dót af hvert öðru o.s.frv..... Frá vinstri: Hilda, Julia, Elias, Nea, Tilde, Skarphéðinn, og Alma.