Skarphéðinn og við hin...

Í Furuvik...

2011-06-13T19:44:00.003+02:00

Við fórum með mömmuhópnum um síðustu helgi til Furuvik . Gistum í safaritjaldi og alles :-). Það var æði..... Þetta myndbrot er tekið við vatnið sem safaritjöldin/kofarnir standa við.

Litla lúsían...

2010-12-13T15:05:00.001+01:00

Ljúfa sumarlíf....

2010-07-15T10:10:00.001+02:00

Skarphéðinn 6 ára

2010-07-08T13:52:00.004+02:00

Skarphéðinn tók hátíðahöldunum á afmælinu sínu með stóískri ró.... stökk ekki bros á meðan afmælissöngurinn var sunginn, blés örsnöggt á kertin að honum loknum- og hallaði sér svo kúl aftur til baka... :-)

Eins og Freyr orðaði það: "Hann brosir ekki, situr bara íhugandi - en svo neglir hannedda!"
Enda er þetta ekkert grín.....

Busl... :-)

2010-07-08T10:48:00.001+02:00

Skarphéðinn við Geysi... ;-)

2010-06-26T11:55:00.000+02:00

Það er svo gaman að eiga afmæli - og fara í pikknikk :-)

2010-06-10T08:47:00.004+02:00

Já mamman átti afmæli í dag, og í tilefni af því fór hún í pikknikk til Sigtuna með börnunum - Freyr var í Norrköping. Skarphéðinn valdi tertuna í tilefni dagsins: Brúðkaupsterta Victoríu og Daníels frá Frödinge :-). Og fullt af jarðaberjum og ýmsu öðru gúmmelaði.
Mamman fékk gallajakka í afmælisgjöf (sem passaði!) Þau innkaup voru outsourcuð af Frey til Hrefnu (smart múv).

Frábær dagur... :-) !

Afmælissöngurinn tekinn...

Skoðuðum "fuglaskraut" sem var þarna til sölu

Svo upphófust hinar ýmsu hopp- og leikfimiæfingar... (!) Ótrúlega fyndið...

Vor á Skansen

2010-05-05T11:56:00.006+02:00

Mamman, Skarpi og Unnur Sóldís tóku sér frí á mánudaginn og fóru á Skansinn með Hildu, Siri og Maria. Skarpi og Hilda voru í sama Mömmuhóp þegar þau voru lítil, og hópurinn heldur enn saman og hittist af og til - bara mömmurnar, börn og mömmur - eða hele familjen.

Þetta var frábær dagur....
Klappa dýrum, leika úti, fara á hestbak, borða pönnukökur úti, smá tívolítæki, vinna drasl í lottói - einsog andlitsliti - sem óspart voru notaðir og vöktu mikla gleði... :-)

Maður var líka bara svo glaður með að vera úti í góðu veðri eftir langan vetur held ég....
Hér er linkur á mynda-albúm frá Skansen heimsókninni.

Fjör

2010-02-21T12:25:00.003+01:00

Það má ekki líta af þessum gemlingum í 3 sekúndur....!
Hér hafði sú stutta náð í opinn poka með sallatsblöðum úr ísskápnum, og var að kanna þetta í rólegheitunum í sófanum....
(Niðurstaðan var að flest blöðin væru óæt).

Morgunstund gefur gull í mund.... eða þannig.

2010-02-18T15:42:00.001+01:00

Myndina hérna efst tók Skarphéðinn sjálfur af sér og systur sinni... :-)

Skíðaferð í Sälen

2010-02-07T13:04:00.001+01:00

Fjölskyldan fór í skíðaferð, ásamt þeim Sóleyju, Guðjóni og fjölskyldu. Ekki vildi betur til en svo að öll fjölskyldan fékk gubbupestina í skíðafríinu!
Glatað... Svo það var svona frekar almennt óstuð á liðinu...

alt=""id="BLOGGER_PHOTO_ID_5440666821238220546" />

Prjónaperlurnar á topp 10 sölulista fyrir Janúar!

2010-02-06T12:49:00.000+01:00

Bókinni okkar Erlu sem kom út í nóvember, Prjónaperlur - prjónað frá grasrótinni, hefur verið rosalega vel tekið - sem er svo gaman... :-)

Nú í janúar var hún í 8. sæti yfir mest seldu bækur á Íslandi - ótrúlega gaman !

Allt á kafi í snjó

2010-02-01T12:30:00.003+01:00

Hér er ferðast á sleðanum í og úr leikskólann, vagninn drífur ekki yfir snjóskaflana....!
Unni Sóldísi finnst það mikið sport, hleypur alltaf spennt og sest fremst á sleðann, bendir svo Skarphéðni ákveðin á að hann á að setjast fyrir aftan sig :-).

Í byrjun árs....

2010-01-07T19:18:00.001+01:00

Hér í Svíþjóð er nú mikið vetrarríki, mjög flott. Krakkarnir elska að vera úti og renna sér á sleða og búa til snjóhús og snjókarla og allt það.
Ekta vetur.

Sjá þessa sætu mýslu.... í nýju lopapeysunni sinn.... :-)

Hrefna á afmæli í dag

2010-01-06T12:55:00.001+01:00

Jæja, skvísan er orðin 21 árs!
OMG hvað tíminn líður....

Nokkrar jólamyndir

2009-12-25T12:34:00.000+01:00

Á aðfangadag....

2009-12-24T15:03:00.007+01:00

Fyrsti myndbúturinn: Rétt eftir matinn, rétt áður en pakkarnir voru opnaðir, spennan í hámarki...Freysi í sparifötunum (not!) að ganga frá inní eldhúsi, Hrefna að fá sér "ferskt" loft, allir að búa sig undir að vinda sér í lætin....

Næsta myndbrot: aðeins síðar.... og þriðja enn síðar...
:-)

Allt á kafi í snjó!

2009-12-22T12:06:00.004+01:00

Já hér er sko jólalegt, allt á kafi í snjó - mjög flott.
Þessi mynd er í boði Skarphéðins - hann gekk hér um og smellti af öllu og engu..... :-)
.

Jólajóla...

2009-12-22T11:59:00.006+01:00

Við fórum á jólaball Íslendingafélagsins hér í Stokkó. Dönsuðum í kringum jólatréð og allir fengu pakka - Unnur Sóldís var skíthrædd við sveinka !!!

:-)

.

Unnur og Brynja

2009-12-19T11:50:00.000+01:00

Halla Dóra, Bjarni og Brynja komu í heimsókn um daginn. Brynja er bara nokkrum mánuðum eldri en Unnur Sóldís. Hér er mynd af þeim píum sem Halla Dóra tók. Unnur með myndavélabrosið.... :-)

Sæææt....!

2009-12-15T18:01:00.002+01:00

Alltaf stuð

2009-12-15T18:00:00.000+01:00

(Þessar fara ekki á jólakortið).

Prjónaperluævintýrið...

2009-12-15T09:53:00.000+01:00

Já, ég (Halldóra) fór til Íslands í lok nóvember í tilefni útgáfugleði Prjónaperla. Það var ÆÐI......!! Mjöööög ánægjuleg uppskera eftir langa og stranga vinnutörn í bókinni. Útgáfugleðin var haldin í Iðu í Lækjargötu - og það mættu á annað hundrað manns !!! Ég og Erla ætluðum bara að sitja og prjóna og spjalla og hafa það kósí með gestunum - en ónei... maður var einsog reitt hæna að heilsa öllum og árita bækur hægri og vinstri og spjalla við gamla og nýja vini og prjónara. Við Erla vorum alveg steinhissa - en mjög ánægðar, okkur leið einsog svaka kvikmyndastjörnum... :-) Og allir voru svo ánægðir og jákvæðir með bókina sem var svo gaman að heyra.
Meiriháttar.

Svo vorum við á fullu að keyra bókina í búðir og senda útá land, svo nú fæst hún í verslunum víða um land. Við (aðallega Erla og fjölskylda samt!) erum búnar að dreifa rúmlega 2000 eintökum, þannig að salan gengur mjög vel. Þetta er nu meira prjónaævintýrið, svakalega gaman....

:-)

Ýmislegt að frétta...

2009-11-16T10:09:00.011+01:00

Jæja, það er ýmislegt að frétta síðan síðast....
Unnur Sóldís er byrjuð að vera nokkra tíma á dag á leikskólanum (!), og mamman farin að vinna 50% í háskólanum. Hún er eitthvað svo lítil greyið litla og mömmunni finnst hún varla ná uppúr stígvélunum... soldið erfitt að skilja hana eftir.

Skarphéðinn er byrjaður í Íþróttaskólanum á sunnudögum, og finnst það Ógeðslega skemmtilegt.... allir fengu bol með merki félagsins sem heitir IK (=Idrottsklubben) Frej eða Íþróttafélagið Freyr(!), og honum finnst hann ekkert smá kúl.....

Svo var mamman að klára nýja prjónabók með Erlu frænku; Prjónaperlur – prjónað frá grasrótinni. Hún kemur út í næstu viku og mamman býst við að fara til Íslands til að vera með á útgáfugleðinni 28. Nóv.

Lesið meira um Prjónaperlur hér.

Sena frá venjulegum eftirmiðdegi

2009-10-22T10:30:00.001+02:00

Afmæli pabbans....

2009-10-21T09:42:00.001+02:00

Já Freyr átti afmæli í dag.
Hann hélt daginn hátíðlegan með því að vera heima með Unni Sóldísi (á meðan mamman fór í vinnuna). Skarphéðinn var líka heima því honum er búið að vera illt í hálsinum.
Og svo voru náttúrulega terta og pakkar - einsog í alminnilegu ammæli.

Soldið lík pabba sínum

2009-10-20T09:55:00.002+02:00

Amk. í háttum.
:-)

Og svo er hún orðin svo stór stelpa eitthvað.... komin með svo mikið hár líka sem gerir hana svo fullorðinslega.
Dúllan!

Legoland

2009-10-10T10:04:00.002+02:00

Fjölskyldan fór til Legolands í Danmörku í byrjun október.
Það var svoooo gaaaaman.....!

Þetta er svo æðislegur garður. Svo margt hægt að gera, fara í leiktæki, lestir og hringekjur og sigta gull úr sandi (alvöru gull (eða þannig)sem var sko brætt í gullmedalíu í lokin fyrir viðkomandi!), baka eigið brauð yfir eldi, fara í bátasiglingar um ævintýraheima, og auðvitað skoða allt kubbið maður.... Búið að gera heilu borgarhverfin úr kubbum - einsog Nyhavn til dæmis - nákvæm eftirlíking með fólki á útikaffihúsunum, bílar sem keyra á götunum og bátar sigla á kanalnum.....! algjörlega ótrúlega flott.
Svo var líka búið að gera Hvíta húsið, Frelsisstyttuna (í fullri stærð - nei djók), Sfinxana í Egyptalandi, Taj mahal og ég veit ekki hvað og hvað....

Meiriháttar frábær skemmtun. Mæli með þessu fyrir allar barnafjölskyldur!

Í lest í Legolandi...

2009-10-10T09:53:00.000+02:00

Jeij jibbí gaman gaman... :-)

Legoland 1998 og 2009

2009-10-10T09:50:00.000+02:00

Við fórum í Legoland fyrir um 10 árum með Hrefnu. Þá var aðalsportið að taka s.k. ökuskírteini í Legobílum sem krakkarnir keyrðu sjálfir. Að því loknu vildi Hrefna taka ökuskírteinið aftur... og fór í smá fýlu inní þessu ljóni þegar við vorum að reyna að fá hana til að koma og gera eitthvað annað..... :-)

Við mundum eftir þessu og hugsuðum að ef Skarphéðinn vildi taka ökuprófið aftur ætluðum við bara að láta hann ráða því.... :-)
En svo var hann of ungur í það dæmi - þannig að við tökum það bara næst. En ljónið var á sínum stað - eftir 10 ár.
Fyndið.

Bátsferð í Legolandi

2009-10-10T09:00:00.001+02:00

Dýragarðurinn í Köben

2009-10-09T10:32:00.000+02:00

Á leiðinni í Legoland stoppuðum við bæði í Malmö og Köben.
Í Köben fórum við m.a. í dýragarðinn.
Það var mjög vinsælt hjá sumum! Komum út með þennan úlf í eftirdragi sem við losnuðum ekki við það sem eftir var ferðarinnar.

Hrefna....

2009-10-06T17:53:00.006+02:00

Er ad gera svo skemmtilega hluti í skólanum sínum... Í grafíska hönnunarnáminu.
Thetta var verkefni vikunnar hjá henni í Illustrator, ad teikna eftir ljósmynd.
Kúl...!

Unnur skvísa....

2009-10-05T19:00:00.001+02:00

... er svo klár að labba, hleypur nú um allt :-)

Líkar ?

2009-09-12T00:09:00.003+02:00

Siggi frændi birti myndina hægra megin af okkur frænkunum haldandi á sér á Facebook. Ég er 6 ára og Hjödda frænka 8 ára. Lekker stígvél sem ég er í! Skrítið að ég skuli ekkert muna eftir þeim :-).

Vinstra megin er Unnur Sóldís 1 árs. Það er nú soldill svipur með okkur mæðgunum. Sama kinnadæmið í gangi sýnist mér....

Gröna lund!

2009-09-11T14:37:00.005+02:00

Hin árlega heimsókn í Gröna lund var um síðustu helgi. Með candyfloss og allan pakkann!

Hrefna stóra systir og háskólastúdína kom líka (eftir vinnu í Åhléns) og fór í nokkur tæki með bróður sínum. Hela familjen skemmti sér rosalega vel, sérstaklega kannski Skarphéðinn - einsog sést á myndunum... :-)

Og svo var snætt á Burger king í lok dags, og krakkarnir sofnuðu í bílnum á leiðinni heim, alveg búin á því.
Frábær ferð!

(nei þetta er er ekki kók sem Unnur Sóldís er að drekka á myndinni - heldur eplasafi!)

I can walk !

2009-09-05T14:28:00.002+02:00

Unnur Sóldís tók fyrstu skrefin alein þann 5. sept, 14 mánaða.
Og hleypur nú útum allt heima (ansi völt þó!) ótrúlega roggin með sig.

Hryllilega krúttlegt að sjá hana vagga um - upprétta, á 2 jafnfljótum....
Að springa úr monti með sjálfa sig...:-)

Fótósjopp og blóm dagsins

2009-09-03T00:57:00.002+02:00

1. sept

2009-09-01T23:46:00.002+02:00

Fyrsti september í dag. En ekki haustlegt enn hjá okkur, sól og vel heitt í allan dag og krakkarnir léku úti garði. Skarpó, Hugo og Ella byggðu "hús" útí garði úr rennibrautinni, nokkrum regnhlífum og öðru lauslegu. Buðu svo gestinum Unni Sóldísi til sín og mötuðu hana á seríós og vatni úr pela.

Fyndið að sjá hana skottast á eftir stóru krökkunum, heldur að hún sé voða stór.... :-) Og þau svo hrifin af henni og vilja hafa hana með.

Litla rúsínan

2009-08-31T23:31:00.001+02:00

Er farin að vera með hárgreiðslur....
Og uppsteit ! (en það er reyndar ekkert nýtt).
:-)

Við frænkurnar

2009-08-30T23:29:00.002+02:00

Erla frænka í heimsókn

2009-08-30T23:22:00.000+02:00

Erla frænka kom í nokkra daga í heimsókn til okkar og Kollu vinkonu sinnar sem býr í Huddinge. Það var mjööög gaman.
Bæjarferðir á daginn og prjón og hekl á kvöldin :-).

Menningarnótt í Reykjavík

2009-08-21T21:42:00.005+02:00

Ég tek þátt í Menningarnótt í Reykjavík - úr fjarska. Með teppinu Bára sem verður til sýnis í Nálinni á Laugaveginum. Ásamt 16 öðrum teppum sem verða í barnateppabók sem kemur út í haust. Öll eftir mismunandi hönnuði.

Teppið er heklað úr léttlopa - upplagt til að nota afgangana fannst mér fyrst - en svo fyrir rest var ég orðin mjög vandlát og farin að kaupa spes liti til að hafa í teppinu... !!
So much for "sniðugt að nota afgangana í þetta"...

Labbitúr við Stadshuset

2009-08-19T12:55:00.002+02:00

Unnur Sóldís er ekki farin að labba sjálf, en elskar að labba útum allt - með aðstoð. Mjög gott fyrir bak aldraðra foreldra hennar eða þannig að labba með henni í keng útum allt.... :-)
En það er gaman. Og krúttlegt.

Hér erum við í labbitúr við Stadshuset niðrí bæ (fyrir um viku síðan). Við löbbuðum heimanfrá Hrefnu sem býr þar nálægt. Unnur Sóldís er í fínu skónum sem hún fékk í afmælisgjöf frá ömmu og afa. Pínulitlir því snúllan er svo lítil - númer 18....!

Af Hrefnu er allt gott að frétta, hún er búin að vera viku á Kýpur með kærastanum, og er svo að byrja í skólanum í þessari viku, í Grafískri hönnun á Södertörns högskola, hér rétt suður af Stokkhólmi.

Tom tits

2009-08-14T16:12:00.006+02:00

Við fórum í Tom tits experimentarium um daginn. Þar er hægt að prófa alls konar fyrbæri og gera eðlisfræðitilraunir. Það er t.d. hægt að prófa hvernig þyngdarlögmálið virkar (frítt fall), miðflóttaaflið (hvað gerist þegar manni er snúið í hringi), hvernig hægt er að skjóta plastflösku uppí loftið með því að pumpa lofti inní hana.... o.fl. o.fl.

Skarphéðni fannst rokvélin skemmtilegust. Í henni er hægt að upplifa mismunandi vindstyrkleika - alveg upp til 24m/sek sem er eins og hressandi gustur á góðum degi á Íslandi :-). Hann fór ca. 38 sinnum í hana og lét okkur gömlu prófa líka.
Ég grenjaði af hlátri eftir nokkrar umferðir í henni.... hi hi
Af því að sjá aðra þar - og af því að fjúka þar sjálf....:-)

Töggur í litlu...!

2009-08-13T13:46:00.002+02:00

Þó ég sé bara rétt rúmlega eins árs get ég rennt mér sjálf í rennibrautinni okkar útí garði. OG klifrað upp á hana líka.... :-)

(Mamma er reyndar alltaf með hjartað í brókunum við að sjá mig við þessa hættulegu iðju).

Sumar og sól og sull

2009-08-04T23:55:00.002+02:00

Yndislegt. Með börn og buru.

Og hver vill ekki hafa svona litla og mjúka rúsínu "hangandi" á sér.... :-)?

Íslandsferð!

2009-08-01T23:50:00.003+02:00

Við fórum í 3ja vikna frí til Íslands í sumar.
Þar var ýmislegt í gangi... skírn Unnar Sóldísar, afmæli, sumarbústaðarferð, ferðalög, ættarmót og svo auðvitað sundlaugaferðir, matarboð og heimsóknir og kaffihúsaferðir.
Mjöööög gaman. Frábær ferð.

Unnur Sóldís var s.s. skírð á Íslandi 4.júlí með nánustu fjölskylduna viðstadda, og samtímis var smá afmæliskaffi fyrir þau bæði, Skarphéðinn og hana. Sólardísin var skírð í sveitinni í bústað Sigga bró, í yndislega grænu mosa, lyng og sóleyja (ekta íslensku!) umhverfi. Við höfðum íslensk blóm í öllum gluggum á bústaðnum, og skírnarskálin var úr íslensku tré, mjög falleg. Hún var reyndar bara ávaxtaskálin í bústaðnum þar til við fengum hana lánaða í þessum tilgangi :-). Nú er Siggi bró búinn að bjóðast til að gefa okkur hana.... Ég afþakkaði fyrst pent og bar fyrir mig plássleysi og fleiru - en kannski er gaman seinna meir fyrir þá litlu að eiga hana....?

Svo keyrðum við fjölskyldan Hringinn, á bíl sem tendgó var svo elskuleg að lána okkur - í frábæru veðri allan tímann. Allt var í fullum blóma og landið skartaði sínu fegursta..... mögnuð upplifun - sem við lifum lengi á. Þetta land er ótrúlegt. Svo falleg og fjölbreytt og mögnuð náttúra.

Hér að neðan er mósaíkmynd úr ferðinni.

Unnur Sóldís - 1 árs

2009-07-09T00:22:00.000+02:00

Unnur Sóldís eyddi 1 árs afmælisdeginum sínum 9. júlí á ferðalagi frá Akureyri til Egilsstaða. Með viðkomu á nokkurm af helstu náttúrperlum Íslands; Mývatni, Dimmuborgum, Námaskarði, Goðafossi (og auðvitað Goðafossmarkaði ;-) þar sem "Handverkskonur á milli heiða" selja vöru sína).
Ekki amalegur afmælisdagur það!

Skarphéðinn 5 ára - for real.

2009-07-08T00:09:00.004+02:00

Fimm ára afmælisdeginum sínum eyddi Skarphéðinn á Akureyri. Honum var boðið uppá steiktan fisk í hádeginu hjá Aðalheiði langömmu, rölti svo niðrí bæ og fékk ís á Ráðhústorginu, tertu á kaffihúsinu í gróðrastöðinni Vín, heimsótti handverksbúlluna "Galleríið í sveitinni", kíkti í kaffi til Dennýar (og fékk sjónvarpsköku og vöfflur!) og át svo grillað lambaket hjá Bjarna Pálssyni um kveldið!
Svaka dagskrá.... :-)

alt=""id="BLOGGER_PHOTO_ID_5366235691999373186" />

Unnur Sóldís skírð

2009-07-04T00:28:00.008+02:00

Þann 4.júlí var Unnur Sóldís skírð í bústað Sigga bró (Halldóru) í Grímsnesinu. Í yndislega grænu umhverfi og fallegu veðri. Mjög ljúft og eftirminnilegt. Í leiðinni var smá afmæliskaffi fyrir þau Skarphéðinn (5 ára 8.júlí) og Unni Sóldísi (1 árs 9.júlí).

Sól og sumar í Vallentuna

2009-06-30T10:25:00.000+02:00

Skarphéðinn 5 ára

2009-06-28T10:51:00.005+02:00

Skarphéðinn verður 5 ára þann 8. júlí, en við höfðum smá afmælisveislu fyrir nokkra krakka í hverfinu um helgina.
Það er gaman að eiga afmæli á sumrin... Í Svíþjóð. Sól og heitt og sull og busl í garðinum.... :-)

Á ströndinni....

2009-06-23T22:29:00.002+02:00

Loksins kom sumarhitinn.... og við krakkarnir - plús nágrannarnir Hugo og Ella beint á ströndina :-) - með Jenny og Mariku sem líka eru í fæðingarorlofi.

Nýja íbúðin Hrefnu á Hantverkargatan....

2009-06-22T22:20:00.000+02:00

Midsommar

2009-06-19T22:12:00.003+02:00

Midsommar var haldið hátíðlegt með hefðbundnum hætti; með söng og dansi í kringum Midsommarstöngina við Vallentuna kirkju. Svo grilluðum við um kvöldið með fjölskyldum Jenny og Marika úr mömmuhóp Skarpa.

Á neðstu myndinni eru þau Hrefna, Josji, Skarphéðinn og Júlía, á efri: Marika og fjölskylda - ásamt 2 börnum Jenny.

Jæja, þá er hún farin....

2009-06-16T10:15:00.006+02:00

Já þá er Hrefna flutt að heiman. Í bili allavega. Farin að leigja 2ja herbergja íbúð niðrí miðbæ - á Hantverkargatan, með Rebecku vinkonu sinni úr barnaskólanum í Bergshamra. Rebecka hefur búið á Gotlandi síðustu 5 ár, en nú á semsagt að freista gæfunnar í stórborginni með Hrefnu.

Þeim finnst þetta báðum mjööög spennó... Að flytja að heiman og að búa niðrí miðbæ (enda rígfullorðin - alveg tuttuguoghálfs árs). Hanga á útikaffihúsunum og vera kúl í sumrinu og bænum :-). Það er frændi Rebecku sem leigir þeim íbúðina í amk. 3-6 mánuði (ef þeim tekst að borga leiguna svo lengi). Hrefna er að vinna af og til í Åhléns sem aukastarfskraftur þar sem vantar, og er "á fullu að leita að meiri vinnu" - að eigin sögn..... Í haust er hún svo búin að sækja um að komast í nám í grafískri hönnun í Södertörns högskola í S-Stokkhólmi. Josji, kærastinn er enn inní myndinni, bara ekki inní íbúðinni :-). Á myndinni eru þau Hrefna og Josji kærasti með bíl pabba hans fullan af fötum og dóti og drasli og dýnum á leið í íbúðina í fyrsta skiptið.

Allir krakkarnir í hverfinu komu til að fylgjast með þessum búferlaflutningum, en bara Arvid og Skarphéðinn þorðu að vera með á myndinni. Sem er einsog af sænskri vísitölufjölskyldu.... :-)

Legghlífar....

2009-06-13T23:31:00.002+02:00

Þetta er svona um það bil sú stærð af prjónaverkefni sem mamman hefur tíma fyrir nú um þessar mundir. Legghlífar. Í XXX small. 1 stykki.
:-)

Ég ætla líka að ferðast innanlands í sumar.... :-)

2009-06-12T16:04:00.002+02:00

... ekki þó með fellihýsi og klappstóla. Heldur vera á Edduhótelum. Ekki svo lengi samt...

Afmæli....

2009-06-01T22:40:00.005+02:00

Elías vinur Skarpa átti 5 ára afmæli um helgina. Þar var prinsessuterta, lítil bílasundlaug með rennibraut í (!), trambolín, fiskdamm (að veiða nammipoka) og allur pakkinn, mikið gaman mikið fjör!
Unnur Sóldís undi sér vel í lekstugan á meðan strákarnir djöfluðust... :-)

Utflykt

2009-05-31T23:17:00.005+02:00

Við fórum í smá ferðalag í veðurblíðunni um helgina, til krúttlega smábæjarins Trosa, í þjóðgarðinn Stendörren, og gistum svo í Nyköping á hinu mjög svo barnvæna hóteli Blommenhof, með rólum, sandkassa, lekstugu og alles....
Mjög ljúft....

Heimsókn í kassabílalandið í Nykvarn

2009-05-24T21:49:00.003+02:00

Geggjað fjör... :-)

Vorið...

2009-05-20T23:50:00.002+02:00

Þessa yndislegu túlípana sáum við Unnur Sóldís á leið okkar í heimsókn til Jenny.
Æðislegir....

Já við erum sæt....

2009-05-20T00:34:00.000+02:00

Í svefni sem vöku....!

Unnur Sóldís 10 mánaða

2009-05-19T00:01:00.000+02:00

Já tíminn flýgur, og sú stutta er orðin 10 mánaða (þann 9. maí).
Og búin að fá fyrstu tönnina sína, en hún kom 7.maí, eitt lítið hrísgrjón í neðri góm. Sem bara laumaðist upp og mamma tók eftir af tilviljun. Skarphéðni finnst það mjög spennandi og sagði mjög stoltur frá því á leikskólanum. Tekur stundum upp teskeið og biður viðstadda að vera hljóða og slær svo andaktugur létt í neðri góminn hjá litlu svo klingir í tönninni... :-), og lítur þá hróðugur á viðstadda.
Dúllan.

Fyrir utan það að vera fari að skríða útum allt og reisa sig upp við allt og alla.... þá finnst Unni Sóldísi mjög gaman að skoða bækur, elskar að hitta önnur börn og finnst líka mjög gaman að labba úti með mömmu, og kannski fara á róló.
Og hún er alltaf jafn ótrúlega krúttleg og mjúk og yndisleg...

Skarphéðni finnst það líka, hann vill helst vera að knúsa hana í tíma og ótíma, það þarf oft að slíta hann af henni!!! En sú litla er ótrúlega umburðarlynd við hann í sb. við það, tekur þessu harða knúsi líklegast einsog hverju öðru hundsbiti. Enda er hún svo hrifin af honum stóra bró :-).

Þegar hún er að vanda sig kemur oft tungan út einsog á miðju myndinni hér að neðan....

Svo er mamman farin að vinna 2 daga í viku í háskólanum aftur og þá er pabbi heima í staðinn. Ágætt að skiptast aðeins á og fá að drekka einsog einn kaffibolla í ró og næði án þess að þurfa að hafa augu í hnakkanum og vera í viðbragðsstöðu (!).

Blómleg

2009-05-11T23:17:00.001+02:00

Veiðitúr

2009-05-08T23:41:00.004+02:00

Við fórum í bíltúr um síðustu helgi með veiðistöngina. Keyrðum til Vaxholm og munduðum
stöngina aðeins á bryggju og strönd. Tíminn fór aðallega í að leysa flækjur (Freysi), tína dót uppúr töskunni (Unnur Sóldís), henda steinum í vatnið og safna sefstrám (Skarpi)..... :-) En mjög notaleg útivera samt, með fuglum og nokkrum bátum (engum sjáanlegum fiskum samt).

Stutt frá voru tveir veiðigarpar á fullu að kasta sem við spjölluðum aðeins við, þeir sögðust búa í Sundbyberg (úthverfi Stokkhólms)en koma oft hingað til að veiða, og að þeir fengju stundum aborra, geddu eða lax. En ekkert í dag þó.

Gengið í götunni

2009-05-08T23:39:00.001+02:00

No comment....:-)

2009-05-08T23:21:00.001+02:00

Ég kann ýmislegt...

2009-05-01T11:12:00.003+02:00

Ég kann nu ýmislegt. Einsog till dæmis að "puðra", segja "datt" (þegar eitthvað dettur /er hent í gólfið), búa til "klikk-hljóð" með tungunni, taka af mér húfuna (og sokkana), segja "hej".... Stundum þegar ég er í stuði tek ég alla taktana sem ég kann í einni bunu: puðra - klikka með tungunni - "datt" - puðra - klikka... :-)

Og svo er ég byrjuð að reisa mig upp við allt mögulegt, finnst það mjööög spennandi, og stend svo - ansi óstöðug - eða dett.....
Svo vil ég helst ekki borða barnamat, heldur tína uppí mig matarbita sjálf - þó ég sé ekki komin með neinar tennur. Og mér finnst rosalega gaman að fylgjast með Skarphéðni stóra bróður leika með vinum sínum. Og þeim finnst gaman að leika við mig :-)

Ég er vinsælust

2009-04-30T11:20:00.000+02:00

Sumardagurinn fyrsti á Íslandi í dag

2009-04-23T19:18:00.004+02:00

Við hérna megin óskum ykkur öllum heima gleðilegs sumars. Megi það verða gleðilegra en veturinn....

Unnur Sóldís við uppáhaldsiðju sína...

2009-04-23T19:17:00.000+02:00

... að taka af sér sokkana

Vélritun

2009-04-21T18:44:00.002+02:00

Nú ef þið hafið ekkert betra að gera en að tékka hversu hratt þið vélritið... þá er slóðin hér :-) :
42 words

Speedtest

Vor - við elskum þig.

2009-04-16T23:31:00.007+02:00

Veðrið um páskahelgina var yndislegt hér hjá okkur í Svíþjóð. Það varð svo heitt á pallinum á bakvið hjá okkur í sólinni að Unnur Sóldís var úti að viðra sig á samfellunni.

Og vorið hljóp í rassinn á þeim Skarphéðni og Söru á trampolíninu úti á Värmdö.... :-)

Neðst má sjá heppnustu kanínu í heimi, Viktor sem á sumarkanínuhús á Värmdö, þar sem hann eyðir helgum og sumarfríi :-) (Hann er líka mjög klár að leika sér með bolta).

Konst 2

2009-04-15T23:18:00.000+02:00

Ekki varð þetta síðra; innfléttað (og reyndar dáið!) tré, einnig hluti af mastersverkefni Helgu Sifjar. Mjög flott !!!
Óóótrúlega mikil - en skemmtileg vinna að flétta það inn.... Og spes. Hversu oft fær maður tækifæri til að taka þátt í að gera tré að ódauðlegu listaverki...? Verkið var svo ljósmyndað í bak og fyrir og verður svo sýnt og kynnt í mastersvörn Helgu Sifjar í Konstfack.

Konst

2009-04-08T04:23:00.010+02:00

Við Unnur Sóldís tókum þátt í mjög skemmtilegu verkefni í síðustu viku. Vorum aðstoðarkonur Helgu Sifjar sem er í listaháskólanum hér og er að vinna að mastersverkefninu sínu. Eitt af verkunum hennar var að "klæða" þetta fallega tré í Hellasgården í Nacka, suður Stokkhólmi. Útkoman var ótrúlega flott, tréð öðlaðist þarna alveg nýtt líf í kóngabláa kjólnum sínum ;-).

Verkið var svo myndað í bak og fyrir af ljósmyndara áður en það var svo tekið niður að kveldi dags. Veðrið var yndislegt, einn af fyrstu vordögunum hér í Stokkhólmi, yndislegur dagur.

Freysi græjukall var mest ánægður með að sjá myndirnar af multi-funktion stiganum sínum (sem er búinn að rykfalla í geymslunni í 4 ár): "Ég sagði að það væri góð hugmynd að kaupa þennan stiga!"

Páskaföndur

2009-04-06T01:05:00.002+02:00

Skarphéðinn plataði mömmuna til að kaupa svona málningu til að mála á egg í búðinni í gær.... :-)

Ég á sólgleraugu

2009-04-03T09:21:00.001+02:00

:-)

Skríði skríð....

2009-04-01T20:02:00.002+02:00

Daman er farin að skríða - eða réttara sagt ála sig áfram.... :-) Skellir þvölum lófunum á gólfið og dregur sig þannig áfram. Ekkert er óhult lengur, aftur kominn tími á að "fela" klósettburstann uppá baðherbergisskáp!

Fyrsta köngulnartið

2009-04-01T16:47:00.002+02:00

Jæja þetta er allt að koma. Í sambandi við vorið alltsvo. Unnur Sóldís búin að narta í fyrsta köngulinn, og fyrstu greinina. Mikið vormerki.

Hey.... waz up?

2009-03-29T10:23:00.013+02:00

Annað í fréttum, í okkar viðurðarríka lífi hér í Sveppaskógi - annað en að það snjóaði á okkur þegar við röltum í búðina um daginn - er að pabbinn er búinn að fá stöðuhækkun, einsog lesa mátti í nokkrum af mestu lesnu (ok kannski ekki alveg - smá djók) dagblöðum Svíþjóðar.

Mætti reyndar alveg segja þessu liði að sleppa að zooma alveg uppí nefið á fólki (amk háttsettu fólki hjá svenska Póstinum).

Pabbinn fór í tilefni af þessu og verslaði sér (fleiri) jakkaföt og ný (og valdsmannslegri) gleraugu.
Nei reyndar lýg ég því - ekki af því tilefni, bara kominn tími á bæði....

Bónusvetur

2009-03-27T11:02:00.005+01:00

Mamman og krakkarnir röltu í búðina nú í vikunni í miklu blíðviðri - að því að er virtist. Allt byrjaði vel og við röltum í rólegheitunum með reglulegum knúsustoppum (Skarphéðinn dúlla þarf að knúsa Sóldísi reglulega - ekki lái ég honum það). En á þessari 10 mín göngu skall á stórhríð - a la Ísland, og við komumst við illan leik í húsaskjól....! Ok, kannski ekki alveg... en það kom svona mjög íslenskur skafrenningur - out of nowhere. Svo við neyddumst til að koma við hjá Kristorante og fá okkur hressingu :-).

Þær á leikskólanum kölluðu þetta Bónusvetur :-).

Lady in purple...

2009-03-24T17:49:00.000+01:00

Fyrsti pikknikk ársins

2009-03-23T17:04:00.004+01:00

Skarphéðinn og mamman fóru í Sjöhistoriska museet (Sjóminjasafnið) í gær með Helene og Liam. Fyrst höfðum við pikknikk við vatnið - með samlokum og kaffi og djús og heitu kakói og gulrótarköku... Mmmmmm... Mjög kósí. Og spennó og skemmtilegt fannst strákunum.

Sex stiga hiti, vatnið enn frosið, en við öll í vorskapi. En svo um kvöldið fór að snjóa!!!
Vor hvað....?

Kósíkvöld

2009-03-20T16:13:00.001+01:00

Farin að borða sjálf!

2009-03-17T10:39:00.006+01:00

Jæja nú er daman orðin svo stór að hún er farin að tína Seríós sjálf uppí sig...! :-)
Algjör dúlla.

Stendur til að smygla venjulegu ósykruðu seríósi að heiman handa dömunni, það er ekki til hér.

Ætli diskópían (Freyr) á heimilinu kippi ekki svoleiðis með sér, en hún er einmitt að fara á "Hollywood reunionið" heima í byrjun apríl.... :-)

Vor í lofti...

2009-03-16T13:02:00.003+01:00

Jæja, Skarphéðinn er búinn með hlaupabóluna en Unnur Sóldís tók við af honum... Fékk nokkrar hlaupabólur á kroppinn um 2 vikum eftir að Skarphéðinn fékk sínar fyrstu, en þær voru hvorki fyrirferðamiklar né til vandæða að því er virtist - og eru nú á bak og burt.

Annars finnst okkur vera vor í lofti... þó snjóskaflana sé enn að sjá hér og þar úti.
Þessa túlipana fékk mamman þegar mömmuhópurinn (sem haldið hefur sambandi frá því að Skarphéðinn fæddist) kom í mat á föstudaginn var - mmmm... Vorlegt!

Hlaupabólan

2009-03-05T16:14:00.001+01:00

Skarphéðinn er með hlaupabóluna og búinn að vera heima frá leikskólanum í viku. Spurning hvort litla sleppi?

tezt

2009-03-02T11:22:00.000+01:00

Skyldi jarðaberjahúfan passa...?

2009-02-25T13:09:00.007+01:00

Það er ekki svo langt síðan þessi jarðaberjahúfa var meira einsog poki til að skríða ofaní fyrir litla grjónið heldur en húfa. Skyldi hún passa betur núna?

Hmmm....erfitt að sjá...:-)
Og þó.

Rósa og ég.

2009-02-21T23:47:00.003+01:00

Fræga fólkið.

2009-02-20T23:44:00.000+01:00

Mamman á heimilinu var í viðtali við hverfisblaðið "Vallentuna Steget" í sambandi við prjón og prjónabókina í vikunni. Hér má sjá blaðið á netinu, flettið á bls. 12-13 og skoðið myndir af opnustúlku vikunnar... :-)

Smá knús við kvöldverðarborð

2009-02-15T10:22:00.000+01:00

Unnur Sóldís er 7 mánaða í dag

2009-02-09T00:28:00.001+01:00

Á skíðum í Sälen

2009-02-04T08:41:00.015+01:00

Hér koma nokkrar myndir af okkur úr fjöllunum (Sälen).

Þetta var voða ljúft. Að vera úti við á daginn að renna sér á skíðum eða rölta með barnavagninn í fallegu vetrarumhverfi, og svo inni í hlýjunni á kvöldin hafandi það kósí - í sauna .... eða við arininn, eða við imbann. Fórum oft á veitingastað að borða á kvöldin með þeim Guðjóni, Sóley og börnum, einu sinni í bowling, og svo var líka after-ski fyrir krakkana. Mikið fjör.

Skarphéðinn var í skíðaskóla í 5 daga, og var fyrir rest orðinn nokkuð flínkur að renna sér. Mest ánægður var hann þó með Diplom sem hann fékk að skíðaskólanum loknum, og límmiða, til að setja á skíðahjálminn sinn..... :-)

Skíðaferðavídeó

2009-02-03T23:09:00.004+01:00

Eitt úti og eitt inni.... :-)

Litla músin kann að sitja sjálf...!

2009-01-24T21:56:00.003+01:00

So dulleg!
Og á morgun erum við familían svo að fara í viku skíðaferð til Sälen (hingað), sem er í um 5 tíma keyrslu héðan. Hrefna passar kofann á meðan.

Unnur Sóldís hálfs árs

2009-01-22T23:46:00.005+01:00

Já daman er hálfs árs - og rúmlega það. Time flies!
Hún er orðin svo stór og dugleg, og alltaf jafn rosalega brosmild og glöð. Brosir útí eitt þessi dúlla, allir minnast á það hvað hún er kát og glöð.

Nú situr nú með fjölskyldunni við matarborðið í trip-trap stólnum sínum (og teppi stöffað í kringum sig) á matmálstímum og fylgist með. Er aðeins farin að fá að smakka smá mat, en hristir sig alla við því og þykir ekki gott! Hún er dugleg að vera á maganum á teppi á gólfinu, snýr sér í hring og á alla kanta til að ná í dót, og ýtir sér iðulega afturábak í burtu frá öllu - óvart.....

Skarphéðinn stóri bróðir er voða hrifinn af henni, knúsar hana oft og mikið - og hún elskar að horfa á hann leika og skellihlær þegar hann hoppar eða fíflast. Svo syngur hún mikið - eða þeas lætur ískra svona krúttlega í sér :-).

Myndir frá Íslandsferðinni í janúar

2009-01-22T23:36:00.010+01:00

Jæja, þá erum við komin heim frá fínu og hressandi Íslandsferðinni öllsömul. Hér eru nokkrar myndir úr ferðinni.